اوچ شریف: ڈی پی او بہاول پور مبینہ ڈکیتی کی مزاحمت پر قتل ہونیوالے نوجوان کے گھر پہنچ گئے

اوچ شریف باغی ٹی وی (نامہ نگار حبیب خان) اوچ شریف کے نواحی علاقے مراد والی چکی کے مقام پر بستی لاشاری میں گزشتہ روز مبینہ واردات مزاحمت پر بابر نامی نوجوان کے قتل ہونے کی اطلاع ملتے ہی ڈسٹرکٹ پولیس آفیسر بہاول پور سید محمد عباس سرکل پولیس آفیسر احمد پور شرقیہ فرخ جاوید اور مقامی تھانہ اوچشریف کے انچارج ایس ایچ او مسلم ضیاء و دیگر پولیس اہلکاروں کے ہمراہ موقع پر پہنچ گئے

جہاں پر انہوں نے کرائم سین کا وزٹ کر کے قتل ہونے والے نوجوان کی والدہ کی مدعیت میں 3 نامعلوم افراد کے خلاف قتل کا مقدمہ درج کرنے کا حکم صادر کرتے ہوئے ایس ڈی پی او احمد پور شرقیہ فرخ جاوید کی سربراہی میں اسپیشل ٹیم تشکیل دے کر جلد از جلد ملزمان کو ٹریس کر کے گرفتار کرنے کی ہدایت کرتے ہوئے کہنا تھا کہ بہت جلد ملزمان کو گرفتار کر کے منطقی انجام تک پہنچایا جائے گا