اوچ شریف(باغی ٹی وی ،نامہ نگارحبیب خان) بہاولپور کے قریب نیشنل ہائی وے پر مسافر خانہ کے مقام پر ایک المناک ٹریفک حادثے میں باپ اور بیٹے کی جان چلی گئی۔ یہ واقعہ اس وقت پیش آیا جب ایک تیز رفتار ٹریلر نے موٹر سائیکل کو پیچھے سے ٹکر مار دی۔
تفصیلات کے مطابق ریسکیو ذرائع نے بتایا ہے کہ عبدالحمید (عمر 70 سال) اور ان کے بیٹے محمد جمشید (عمر 30 سال) موٹر بائیک پر بہاولپور سے احمد پور کی جانب جا رہے تھے۔ اسی دوران پیچھے سے آنے والے ایک تیز رفتار ٹریلر نے انہیں کچل دیا، جس کے نتیجے میں دونوں کی موقع پر ہی موت ہو گئی۔
موٹروے پولیس کے مطابق حادثے کی شدت اتنی زیادہ تھی کہ دونوں لاشیں شدید زخمی حالت میں پائی گئیں۔ ریسکیو اہلکاروں نے فوری طور پر جائے وقوع پر پہنچ کر وائٹل سائنز چیک کیے جو کہ موجود نہیں تھے۔
جاں بحق ہونے والے باپ بیٹے کا تعلق احمد پور شرقیہ کے موضع ٹبی ہوت سے تھا۔ پولیس نے حادثے کی جگہ پر پہنچ کر مزید تفتیش شروع کر دی ہے۔
