اوچ شریف باغی ٹی وی ( نامہ نگار حبیب خان)8 فروری کامیابی کا دن ہوگا، مخالفین کو بھرپور شکست دیں گے ،مولانا رشید احمد عباسی مولانا بابر علی صدیقی مولانا عمر فاروق فاروقی عمر فاروق فاروقی مولانا نذیر احمد وارن کا مشترکہ بیان
تفصیلات کے مطابق جمعیت علمائے اسلام (ف ) اوچ شریف کے امیر مولانا رشید احمد عباسی اور جمعیت علمائے اسلام اوچ شریف کے جنرل سیکرٹری مولانا بابر علی صدیقی اور تحصیل احمد پور شرقیہ کے جنرل سیکرٹری مولانا عمر فاروق فاروقی ودیگر مولانا نذیر احمد وارن مولانا جلیل احمد عباسی نے کہا ہے کہ جمعیت علمائے اسلام (ف)کے فیصلے علاقے اور عوام کے مفادات کے فیصلے ہونگے،
8فروری کادن جمعیت علماء اسلام کی کامیابی کا دن ہوگا، کارکن آئندہ عام انتخابات کی تیاریاں تیز کریں۔کارکن مخالفین کے پروپیگنڈے پر کان نہ دھریں، مخالفین کی شور سے اندازہ لگایاجائے کہ وہ جمعیت علماء اسلام (ف)سے کس حد تک خوفزدہ ہیں۔انہوں نے جاری کردہ ایک بیان میں انہوں نے کہاکہ جمعیت علمائے اسلام( ف) نے ہمیشہ آئین و قانون کی بالا دستی کی بات کی ہے،
جمعیت علمائے اسلام(ف) اپنے نظریے کی بنیاد پر آئندہ عام انتخابات میں مخالفین کو عبرتناک شکست سے دو چار کرےگی، حلقہ پی پی 250 میں جمعیت علمائے اسلام (ف) کے امیدوار مہر غلام ربانی کاٹھیہ نامزد ہونے پر مخالفین کی نیندیں حرام ہو گئیں ہیں انہوں نے کہا کہ ہر پولنگ اسٹیشن پر بھاری اکثریت سے مخالفین کو شکست دے کر جمیعت علمائے اسلام کے امیدوار مہر غلام ربانی کاٹھیہ کامیاب ہونگے
انہوں نے مزید کہا کہ حلقہ پی پی 250کی باشعور عوام سے التماس کرتے ہیں کہ اٹھو اپنے حقوق کی خاطر غلامی کی زنجیروں توڑ کر جمعیت علمائے اسلام کے امیدوار کو ووٹ دیں
