اُوچ شریف(باغی ٹی وی )موٹروے پولیس نے روڈیوزر کا گمشدہ موبائل ڈھونڈ کر واپس کردیا
تفصیل کے مطابق موٹروے سنٹرل 2 زون بیٹ 23 موٹروے پولیس نے روڈیوزر کا گمشدہ موبائل ڈھونڈ کر واپس کردیا،شیخوپورہ سے اُوچ شریف سفر کرنے والا حسیب احمد موبائل جلالپور ریسٹ ایریا میں بھول گیا تھاموٹروے پولیس نے موبائل متعلقہ روڈ یوزر کو واپس کر کے ایمان داری اور فرض شناسی کی ایک اور مثال قائم کر دی ہے۔
روڈ یوزر حسیب احمد نے موٹروے ہیلپ لائن 130 پر کال کر کے موبائل کی گمشدگی اور اپنی پریشانی کے بارے میں بتایا۔ سیکٹر 1بیٹ 23 کے وائرلیس آپریٹر نے بذریعہ وائرلیس پٹرولنگ موبائل ٹائیگر 3 اور ڈی ایس پی بیٹ 23 حسن بھٹی کو جلالپور ریسٹ ایریا میں موبائل کی گمشدگی کی اطلاع دی جس پر ایکشن لیتے ہوئے ڈی ایس پی حسن بھٹی نے فوراً ریسٹ ایریا کے ٹھیکیدار کو کال کرکے گمشدہ موبائل کے بارے بتایا اور پٹرولنگ کار پر ڈیوٹی پر مامور افسران پیٹرول آفیسر محمد عابد اور پیٹرول آفیسر حسان ملک کو ہدایات دی کہ روڈ یوزرز کو لیکر ریسٹ ایریا پہنچیں۔
جس پر عملدرآمد کرتے ہوئے روڈ یوزر کو ریسٹ ایریا لے گئے اور موبائل ڈھونڈ کر روڈ یوزر کو واپس کر دیا۔متعلقہ روڈ یوزر نے موٹروے پولیس افسران کا بروقت کارروائی پر شکریہ ادا کیا۔ تاہم بہترین کارکردگی پرسیکٹر کمانڈر رانا محمد اسماعیل نے دونوں افسران کو تعریفی سرٹیفکیٹ دینے کا اعلان کیا اور کہا کہ فرض شناسی اور ایمانداری میں موٹروے پولیس کا کوئی ثانی نہیں ہے۔
