اوچ شریف باغی ٹی وی (نامہ نگار حبیب خان) اسوہ النبی ﷺ پر عمل پیرا ہو کر ہم اپنی انفرادی اور اجتماعی زندگی میں تبدیلیاں لا سکتے ہیں، رحمتہ العالمینﷺک ا پیغام محبت، برداشت اور انکساری ہر مسلمان کے لیے مشعل راہ ہے،
ان خیالات کا اظہار پروفیسر سمیرا ارشاد نے گورنمنٹ سیدہ طلعت زہرا گیلانی گرلز ایسوسی ایٹ کالج اوچ شریف میں محفل میلاد کی تقریب میں شرکاء سے اپنے خطاب میں کہا، پرنسپل انیسہ بتول کے زیر صدارت منعقدہ محفل میلاد کی اس تقریب میں مسز عشرت پروین، مسز ندا زہرا اور زوہا نزاکت سمیت دیگر اساتذہ اور طالبات کی کثیر تعداد موجود تھیں۔
پروفیسر سمیرا ارشاد نے کہا کہ میلاد النبیﷺ کا مبارک دن درحقیقت پوری انسانیت کا یومِ نجات ہے، آپ کی زندگی اپنے اندر اعلیٰ اخلاق کی دنیا لیے ہوئے ہے۔ محفل میلاد میں طالبات نے بارگاہ رسالت میں گل ہائے عقیدت پیش کیے، اس موقع پر انیسہ بتول نے وطن عزیز کی ترقی و خوشحالی اور سلامتی کے لیے دعا کرائی۔
