اوچ شریف:نہم کلاس کی طالبہ کا رول نمبر سلپ مانگنا جرم بن گیا،استانی کا بچی پر بہیمانہ تشدد

تھانہ ڈیرہ نواب صاحب میں مقدمہ درج ، طالبہ پر بیہمانہ تشدد سے طالبات میں خوف و ہراس

اوچ شریف باغی ٹی وی (نامہ نگار حبیب خان)نہم کلاس کی طالبہ کا رول نمبر سلپ مانگنا جرم بن گیا،استانی کا بچی پر بہیمانہ تشدد

مار نہیں پیار کے بورڈ اسکولوں کے گیٹوں پر لگے خانہ پری ہوتی ہیں اور لوگوں کو جھانسہ دینے کے مترادف ثابت ہوئے گورنمنٹ گرلز ہائی اسکول محراب والا میں ماں کا درجہ رکھنے والی ٹیچر لاریب فضل جلاد بن گئی اور سلپ مانگنے پر طالبہ پر بیہمانہ تشددکیا جس پر ٹیچر کیخلاف تھانہ ڈیرہ نواب صاحب میں مقدمہ درج طالبہ پر بیہمانہ تشدد پر طالبات میں خوف و ہراس

موضع محراب والا کے گرلز ہائی اسکول کی نویں کلاس کی طالبہ زینب بی بی اپنی رولنمبرسلپ لینے اسکول گئی تو موجود ٹیچر نے اسے تھپڑوں اور مکوں سے مارا بعدازاں اس کو بالوں سے پکڑ کر ڈیسک پر دائیں بائیں مارا اور گلے میں دوپٹہ ڈال کر جھنجھوڑتی رہی وہ چیختی چلاتی رہی، اس کے کاندھوں پر زخم کے نشان ہوگئے

گواہان نےموقع پر پہنچ کر اسے چھڑایا اور اس کا میڈیکل بھی کرایا گیا، تشدد ثابت ہونے پر تھانہ ڈیرہ نواب صاحب پولیس نے مقدمہ نمبر 63/24 بجرم A 328 درج کیا لیا ہے

یاد رہےمقدمہ متاثرہ طالبہ کے والد محمد جلیل ولد غلام رسول قوم نہڑ ساکن محراب والا کی درخواست پر درج کیا گیا ہے

Leave a reply