اوچ شریف،باغی ٹی وی (نامہ نگارحبیب خان )) اوچ شریف کے نواحی علاقے بستی نوناری کا رہائشی ٹک ٹاکر محمد وقاص خطرناک ایکشن سے ٹک ٹاک کی ویڈیو بنانے کے جنون میں مبتلا نوجوان زندگی کی بازی ہار گیا۔
ذرائع کے مطابق احمد پور شرقیہ میں ٹک ٹاکر وقاص نوناری موٹر سائیکل پر ٹک ٹاک بناتے ہوئے خوفناک حادثے کا شکار ہونے کے بعد جاں بحق ہوگیا۔عینی شاہدین کا کہنا ہے کہ نوجوان ٹک ٹاک ویڈیو بنانے کیلئے ون ویلنگ کر رہا تھا جب اچانک بائیک نیچے سے نکل گئی،
وقاص ہیڈ انجری کے باعث موقع پر ہی دم توڑ گیا۔ ٹک ٹاکر محمد وقاص کی فوتگی کی اطلاع جب والدین اور اہل وعیال نے سنی تو غم سے نڈھال ہو گئے ٹک ٹاکر کے جانبحق ہونے پر علاقہ سوگوار ہو گیا
