وفاقی وزیر داخلہ محسن نقوی نے پاکستان ریلویز ہیڈ کوارٹرز کا دورہ کیا –
محسن نقوی نے حنیف عباسی کی صدارت میں ہونے والے خصوصی اجلاس میں شرکت کی، اجلاس میں ملک بھر، خصوصاً بلوچستان میں ریلویز لائنز اور ٹرینوں کی سیکیورٹی کے اقدامات کا تفصیلی جائزہ لیا گیا،اجلاس میں چیف ایگزیکٹو آفیسر پاکستان ریلویز عامر علی بلوچ، آئی جی ریلویز پولیس رائے طاہر اور دیگر اعلیٰ حکام بھی موجود تھے۔
اجلاس میں فیصلہ کیا گیا کہ ریلویز کی اراضی پر تجاوزات کے خلاف مشترکہ کریک ڈاؤن کیا جائے گا، جس میں نیشنل کونسٹیبلری اور ریلویز پولیس حصہ لیں گی،ایف سی بھی انسداد تجاوزات آپریشن میں ریلویز پولیس کے ساتھ مکمل تعاون کرے گی-
9 مئی، ایک اور کیس کا فیصلہ،109 میں سے 75 ملزمان کو سزائیں
وزیر داخلہ محسن نقوی نے کہا کہ اسلام آباد اور راولپنڈی کے درمیان ٹرینیں چلانے کا فیصلہ کیا گیا ہے اور ریلویز ٹریکس اور ٹرینوں کی فول پروف سیکیورٹی یقینی بنانے کے لیے ہر ممکن اقدامات اٹھائے جائیں گے انہوں نے مسافروں کی حفاظت کو اولین ترجیح قرار دیا،وزیر داخلہ نے ریلویز کی کارکردگی بہتر بنانے کے لیے حنیف عباسی کے دور میں کیے گئے منفرد اقدامات کو سراہا، جبکہ وزیر ریلویز حنیف عباسی نے تجاوزات کے خاتمے میں فیڈرل ریزرو پولیس کی معاونت پر وزیر داخلہ کا شکریہ ادا کیا۔
خیبر پختونخوا سیلاب،10 ہزار سے زائد خاندانوں میں خشک راشن تقسیم
