مغربی افریقی ملک لائبیریا میں حادثے کے شکار آئل ٹینکر سے ایندھن اکٹھا کرنے کی لالچ میں 40 افراد ہلاک ہوگئے۔
باغی ٹی وی : نشریاتی ادارے”روئٹرز” کے مطابق مغربی افریقی ملک کے چیف میڈیکل آفیسر فرانسس کیتھ نے بدھ کے روز بتایا کہ یہ افسوس ناک واقعہ دارالحکومت منروویا سے تقریباً 130 کلومیٹر دور قصبے ٹوٹوٹا میں پیش آیا جہاں سڑک کے کنارے ایندھن سے بھرا ٹینکر پہلے اُلٹا، پھر دھماکا ہوا اور آگ لگ گئی،جس سے جائے وقوعہ پر آنے والے بہت سے لوگ ہلاک اور زخمی ہو گئے۔
عینی شاہدین کا کہنا ہے کہ جیسے ہی ایندھن سے بھرے ٹینکر کو حادثہ پیش آیا، مقامی لوگ ٹینکر سے ایندھن جمع کرنے کے لیے جائے وقوعہ پہنچنے اور پھر فوراً دھماکے کے بعد آگ بھڑک اٹھی، ٹینکر کےالٹنے کےبعد بچوں سمیت بڑی تعداد میں لوگ اس کے ارد گرد بالٹیا ں اور برتن لیے جمع ہو گئے تھے۔
سب کو معلوم ہے کہ کاغذات نامزدگی کہاں چھینے جارہے ہیں،بلاول
لائبیریا کے چیف میڈیکل آفیسر کا کہنا ہے کہ دھماکے سے 40 سے زائد افراد کے جھلس کر ہلاک ہونے کی تصدیق ہوچکی ہے جبکہ کم از کم 83 زخمیوں کو اسپتال منتقل کیا جاچکا ہے لائبیریا کے صدر نے مرنے والوں کے اہل خانہ سے تعزیت کا اظہار کیا ہے۔
کیتھ نے نامہ نگاروں کو بتایا کہ درجنوں افراد اب بھی شدید جھلس کر ہسپتال میں ہیں اور مرنے والوں کی تعداد بڑھ سکتی ہے اقوام متحدہ کے اعداد و شمار کے مطابق ناقص سڑک کی حفاظت اور کمزور بنیادی ڈھانچے نے سب صحارا افریقہ کو حادثات کے لیے دنیا کا سب سے مہلک خطہ بنا دیا ہے، جہاں اموات کی شرح یورپی اوسط سے تین گنا زیادہ ہے-