اوکاڑہ: پولیس کی ذمہ داری شہریوں نے نبھائی،2 ڈاکو پکڑکر چھترول کے بعد پولیس کے حوالے

اوکاڑہ (باغی ٹی وی نامہ نگار ملک ظفر): اوکاڑہ میں ڈکیتی کی واردات کرتے دو ڈاکوؤں کو راہگیروں نے پکڑ کر پولیس کے حوالے کردیا۔ یہ واقعہ چکنمبر 22/4L کے قریب پیش آیا جب ڈاکو ایک کار سوار کو لوٹ رہے تھے۔

راہگیروں نے ہمت کا مظاہرہ کرتے ہوئے مسلح ڈاکوؤں کو قابو کرلیا، ان کا اسلحہ چھین لیا اور ان کی خوب پٹائی کی۔ بعد ازاں انہیں پولیس کے حوالے کردیا گیا۔

پکڑے جانے والے ڈاکوؤں کی شناخت رمضان عرف جانی (چکنمبر 15/4L) اور وحید بلوچ (ساہیوال) کے طور پر ہوئی ہے۔ یہ دونوں ڈاکو ریکارڈ یافتہ ہیں اور ایک ہفتہ قبل ضمانت پر جیل سے رہا ہوئے تھے۔