اوکاڑہ:پانچ روزہ انسداد پولیو مہم کاافتتاح کردیاگیا

اوکاڑہ ،باغی ٹی وی (نامہ نگارملک ظفر)ڈپٹی کمشنر اوکاڑہ ڈاکٹر ذیشان حنیف کی زیرنگرانی پانچ روزہ انسداد پولیو مہم کا آغاز ڈسٹرکٹ ہیڈ کوارٹر ہسپتال ساؤتھ سٹی اوکاڑہ میں بچوں کو حفاظتی قطرے پلا کرکیا۔

اس موقع پر سی ای او ہیلتھ ۔ڈپٹی ڈی ایچ ۔او ایم ایس اور محکمہ صحت کے دیگر اعلی افسران بھی موجود تھے پانچ روزہ انسداد پولیو مہم 8 جنوری سے 12جنوری تک جاری رہے گی جس میں محکمہ صحت کی ٹیمیں گھر گھر جاکر636000 ہزار سے زائد پانچ سال تک کے بچوں کو پولیو کے قطرے پلائیں گی۔

ڈپٹی کمشنر کا کہنا تھا کہ عوام کو چاہیے کہ پولیو ٹیموں کے ساتھ بھرپور تعاون کریں اور اپنے بچوں کوپولیو کے قطرے پلوا کر ان کی زندگیوں کو محفوظ بنانے کے ساتھ ساتھ ملک کو پولیو فری بنانے میں بھی اپنا کردار ادا کریں