اوکاڑہ (نامہ نگار ملک ظفر)اوکاڑہ پولیس نے اشتہاری ملزمان کے خلاف کارروائیاں مزید تیز کرتے ہوئے شکنجہ سخت کر دیا ہے۔ ڈی پی او اوکاڑہ محمد راشد ہدایت کے احکامات پر شروع کیے گئے کریک ڈاؤن کے دوران تھانہ بصیر پور پولیس نے مؤثر کارروائی کرتے ہوئے 9 اشتہاری ملزمان کو گرفتار کر لیا۔
پولیس کے مطابق گرفتار ہونے والوں میں محمد احمد، شاہ نواز، عرفان، غلام مصطفیٰ، اجمل عرف اجو اور علی احمد سمیت دیگر اشتہاری ملزمان شامل ہیں۔ گرفتار ملزمان کو قانونی کارروائی مکمل کرنے کے بعد پابندِ سلاسل کر دیا گیا ہے۔
پولیس حکام کا کہنا ہے کہ ضلع بھر میں جرائم پیشہ عناصر اور اشتہاری ملزمان کے خلاف بلاامتیاز کارروائیاں جاری رہیں گی تاکہ امن و امان کی صورتحال کو مزید بہتر بنایا جا سکے۔
