اوکاڑہ،باغی ٹی وی(نامہ نگارملک ظفر) وزیراعلیٰ پنجاب کی کرپشن کے خلاف زیرو ٹالرنس پالیسی کے تحت ضلعی انتظامیہ نے سب انجینئر ابرار احمد کے خلاف سخت کارروائی کا آغاز کیا ہے۔
ابرار احمد پر الزام تھا کہ انہوں نے واٹر ڈسپوزل اسٹیشن ہاؤسنگ سکیم سے ٹف ٹائلز اکھاڑ کر اپنے گھر میں نصب کیں۔ اس الزام کی تحقیقات کے بعد اسسٹنٹ کمشنر رینالہ خورد/ایڈمنسٹریٹر میونسپل کمیٹی چوہدری ضیاء اللہ نے اینٹوں کی چوری ثابت ہونے پر سب انجینئر کے خلاف مقدمہ درج کروا دیا۔
پولیس نے فوری کارروائی کرتے ہوئے ابرار احمد کو حراست میں لے کر تفتیش شروع کر دی ہے۔ اسسٹنٹ کمشنر چوہدری ضیاء اللہ کا کہنا تھا کہ ابرار احمد کے خلاف محکمانہ کارروائی بھی جاری ہے، اور کرپٹ عناصر کو سرکاری اداروں میں لوٹ مار کی ہرگز اجازت نہیں دی جائے گی۔
