اوکاڑہ (نامہ نگار ملک ظفر) ڈپٹی کمشنر احمد عثمان جاوید کی ہدایت پر اسسٹنٹ کمشنر نعیم بشیر دیپالپورنے شہر میں صفائی ستھرائی کی صورتحال کا جائزہ لیا اور ستھرا پنجاب مہم کے تحت متعدد مقامات پر صفائی ٹیموں کی کارکردگی کا معائنہ کیا۔
انہوں نے ویسٹ مینجمنٹ کمپنی کے افسران کو ہدایت کی کہ تمام صفائی امور کی مؤثر نگرانی کی جائے، صفائی عملہ فیلڈ میں متحرک رہے، اور کاموں میں مزید بہتری لائی جائے۔ انہوں نے کہا کہ مختلف روڈز کے اطراف پانی کا باقاعدہ چھڑکاؤ کیا جائے تاکہ مٹی اور دھول سے ماحول متاثر نہ ہو۔
اسسٹنٹ کمشنر نے واضح کیا کہ تحصیل بھر میں صفائی کے بہترین انتظامات کو عملی شکل دی جا رہی ہے اور تمام اسٹیک ہولڈرز سے اپیل کی کہ صاف ماحول کے لیے اپنا کردار ضرور ادا کریں۔
