اوکاڑہ،باغی ٹی وی(نامہ نگار ملک ظفر) اوکاڑہ میں عوامی میڈیا کونسل کا خصوصی اجلاس چیف آرگنائزر محمد آصف کھوکھر کی زیر صدارت منعقد ہوا، جس میں تمام ممبران نے بھرپور شرکت کی۔ اجلاس میں اس عزم کا اظہار کیا گیا کہ مثبت صحافت کے ذریعے عوامی خدمات کا سلسلہ جاری رکھا جائے گا۔
محمد آصف کھوکھر نے ممبران کو مثبت صحافت کو فروغ دینے کی ترغیب دیتے ہوئے کہا کہ انہیں عوام کے مسائل اجاگر کرنے اور دکھی انسانیت کی مدد کرنے کو اپنی اولین ترجیح بنانا چاہیے۔ انہوں نے مزید کہا کہ عوامی میڈیا کونسل کو اپنے پلیٹ فارم کو عوامی مسائل کے تدارک کے لیے پیش پیش رکھنا چاہیے، اور ممبران کو اپنے علاقوں کے مسائل کی نشاندہی کر کے اعلیٰ حکام تک عوام کی آواز پہنچانے کی کوشش کرنی چاہیے۔
انہوں نے 2025 کے انتخابات کے انعقاد کا بھی ذکر کیا اور کہا کہ رواں ماہ انتخابات کروا دیے جائیں گے تاکہ ذمہ دار ارکان اپنی صحافتی سرگرمیاں بہتر انداز میں جاری رکھ سکیں۔
