اوکاڑہ (نامہ نگار ملک ظفر) اوکاڑہ پولیس نے کامیاب کارروائی کرتے ہوئے بائیک لفٹر گینگ کے دو کارندے گرفتار کر لیے۔
پولیس ترجمان کے مطابق ایس ایچ او تھانہ حویلی لکھا انسپکٹر سرور کی سربراہی میں کارروائی کے دوران ملزمان کے قبضہ سے 12 موٹر سائیکلیں اور اسلحہ برآمد ہوا جن کی مالیت تقریباً 8 لاکھ روپے ہے۔
گرفتار ملزمان نے دورانِ تفتیش حویلی لکھا اور گردونواح سے درجنوں موٹر سائیکلیں چوری کرنے کا انکشاف کیا۔ پولیس نے مزید تحقیقات شروع کر دی ہیں۔
