ریسکیو1122کا ماہانہ کارکردگی اجلاس سنٹرل اسٹیشن اوکاڑہ میں منعقد ہوا
![](https://baaghitv.com/wp-content/uploads/2024/08/okara-rescue-jpg.webp)
اوکاڑہ ،باغی ٹی وی (نامہ نگار ملک ظفر) ڈسٹرکٹ ایمرجنسی آفیسرانجینئراحتشام کی زیر صدارت ماہانہ کارکردگی اجلاس سنٹرل اسٹیشن اوکاڑہ میں منعقد ہوا۔ ڈسٹرکٹ ایمرجنسی آفیسر نے کارکردگی رپورٹ جاری کرتے ہوئے بتایا کہ ریسکیو1122اوکاڑہ کوگزشتہ ماہ کل 25011کالزموصول ہوئی ہیں جس میں 5370ایمرجنسی کالز ہیں۔15196غیر متعلقہ اورمس کالز، 4390 معلوماتی،22رونگ کالزاور 33فیک کالز ہیں۔
ایمرجنسی کال کا تناسب173کالز فی دن ہے۔5370 ایمرجنسیز میں 1024روڈ ٹریفک حادثات، 3637میڈیکل، 42آگ لگنے کے واقعات،159کرائم اور507متفرق قسم کے حادثات شامل ہیں۔ روڈ ٹریفک حادثات میں 1126افراد متاثر ہوئے جن میں 08 افراد زخموں کی تاب نہ لاتے ہوئے جاں بحق ہوئے جبکہ608 افراد کو موقع پر ہی ابتدائی طبی امداددی گئی اور510متاثرین کو طبی امداد دیتے ہوئے ہسپتال میں منتقل کیا گیا۔
آگ لگنے کے 42واقعات ہوئے جن میں 05کمرشل ایریا،07رہایشی علاقے اور 30واقعات دیگر علاقوں میں پیش آئے۔ آگ لگنے کی وجوہات میں شارٹ سرکٹ (17)،گیس لیکج(03)، نامعلوم (01)، دیگر(07)، کچن (01)، موم بتی (02) اور لاپرواہی (11) بنی۔ان واقعات میں بروقت ریسپانس کرتے ہوئے تقریباََ14 ملین سے زائدکی پراپرٹی کو محفوظ کیا۔
ریسکیو موٹر بائیک سروس کے ذریعے 2528ایمرجنسیز پر4.13 کے ایوریج ریسپانس ٹائم سے بروقت ریسپانس کرتے ہوئے3120 افراد کو مدد فراہم کی۔
پیشنٹ ریفرل سسٹم کے تحت ضلع بھرمیں 354مریضوں کو بہتر طبی امداد کے حصول کیلئے منتقل کیا گیا۔ 173مریضوں کو ضلع بھر سے ڈسٹرکٹ ہیڈکوارٹر ہسپتال اوکاڑہ منتقل کیا گیا جبکہ181افراد کو بہتر طبی امداد کے حصول کیلئے ریسکیو1122 کے تربیت یافتہ عملہ کے زیرِ نگرانی میں دوسرے اضلاع کے ہسپتالوں میں منتقل کیا گیا