اوکاڑہ (نامہ نگارملک ظفر) ڈپٹی کمشنر احمد عثمان جاوید کی ہدایت پر سیکرٹری ڈی آر ٹی اے اقصیٰ ریاض نے شہر کے مختلف پرائیویٹ اڈہ جات کا دورہ کیا اور کرایوں کی صورتحال کا جائزہ لیا۔ اس دوران انہوں نے مسافروں سے براہ راست فیڈ بیک بھی حاصل کیا۔
اقصیٰ ریاض نے کہا کہ پٹرولیم مصنوعات کی قیمتوں میں کمی کا فائدہ براہ راست مسافروں تک پہنچنا چاہیے۔ انہوں نے اڈہ مالکان کو ہدایت کی کہ وہ نئے کرایہ نامے نمایاں جگہوں پر آویزاں کریں اور ان پر مکمل عمل درآمد کو یقینی بنائیں۔
انہوں نے خبردار کیا کہ نئے کرایہ ناموں پر عمل نہ کرنے والے اڈہ مالکان کے خلاف سخت کارروائی کی جائے گی اور ان پر بھاری جرمانے بھی عائد کیے جائیں گے۔
