اوکاڑہ (نامہ نگار ملک ظفر) سول ڈیفنس آفیسر چوہدری وقار اکبر کی زیر نگرانی ڈسٹرکٹ جیل میں موک ایکسرسائز کا انعقاد کیا گیا۔ فرضی مشقوں میں سول ڈیفنس ریزیلینس کور پنجاب، بم ڈسپوزل سکوارڈ اور سول ڈیفنس کے رضاکاروں نے شرکت کی۔
مشق کے دوران ہنگامی صورتحال کے پیش نظر اسیران کو تحفظ فراہم کرنے اور انہیں محفوظ انداز میں منتقل کرنے کا عملی مظاہرہ کیا گیا۔ اس موقع پر سول ڈیفنس آفیسر چوہدری وقار اکبر نے کہا کہ جیل میں کسی بھی ایمرجنسی کی صورت میں اسیران کو تحفظ فراہم کرنے کے لیے سول ڈیفنس کی ٹیمیں ہر وقت تیار ہیں اور اس مقصد کے لیے تربیتی مشقیں وقت کی اہم ضرورت ہیں۔
انہوں نے مزید کہا کہ محکمہ سول ڈیفنس کے جوان ہر وقت تیار رہیں اور لوگوں کی زندگیوں کے تحفظ کو یقینی بنانے کے لیے اپنا کردار بھرپور طریقے سے ادا کریں۔
