اوکاڑہ (نامہ نگار ملک ظفر) اوکاڑہ کے 6 چک غلہ گودام کے قریب ایک بھیانک حادثہ پیش آیا، جہاں چنگ چی رکشہ اور ٹریکٹر ٹرالی کے درمیان تصادم ہو گیا، جس کے نتیجے میں رکشہ میں سوار 16 سالہ نوجوان ولید جاں بحق ہو گیا جبکہ 13 سالہ زوالقرنین زخمی ہوا۔ دونوں متاثرین چک نمبر 9 فور ایل کے رہائشی بتائے گئے ہیں۔
ریسکیو ذرائع کے مطابق ٹریکٹر ٹرالی نمبر ایس ایل ڈی 5208 کے ساتھ تصادم تیز رفتاری اور لاپروا ڈرائیونگ کی وجہ سے ہوا۔ اطلاع ملتے ہی ریسکیو موٹر بائیک سروس اور ایمبولینس فوری طور پر جائے حادثہ پر پہنچیں، جہاں ریسکیو ٹیموں نے زخمی کو ابتدائی طبی امداد فراہم کی اور پھر اسے ہسپتال منتقل کر دیا گیا۔
جاں بحق نوجوان کی نعش کو ضروری قانونی کارروائی کے بعد مقامی پولیس کے حوالے کر دیا گیا۔
