اوکاڑہ (نامہ نگار ملک ظفر) ڈپٹی کمشنر احمد عثمان جاوید کی زیر صدارت ضلعی انتظامیہ کے افسران کا اہم اجلاس منعقد ہوا جس میں ایڈیشنل ڈپٹی کمشنر فنانس اینڈ پلاننگ چوہدری عبدالجبار گجر، ایڈیشنل ڈپٹی کمشنر جنرل علیزہ ریحان، اسسٹنٹ کمشنر اوکاڑہ چوہدری رب نواز، اسسٹنٹ کمشنر ایچ آر نور محمد، ڈپٹی ڈائریکٹر لوکل گورنمنٹ شہباز سکھیرا، ایس ڈی ای او پیرا وسیم جاوید اور سسٹم نیٹ ورک ایڈمنسٹریٹر افضال حسین بلوچ سمیت دیگر افسران نے شرکت کی۔
اجلاس سے خطاب کرتے ہوئے ڈپٹی کمشنر احمد عثمان جاوید نے کہا کہ وزیراعلیٰ پنجاب کے گڈ گورننس اقدامات کے ذریعے عوام الناس کے لیے زیادہ سے زیادہ آسانیاں پیدا کی جائیں اور ان کے مسائل کے حل کو یقینی بنایا جائے۔ انہوں نے ہدایت کی کہ پرائس کنٹرول میکانزم پر عمل درآمد کو مزید مؤثر بنایا جائے، تجاوزات کے خلاف بلا امتیاز کارروائیاں جاری رکھی جائیں اور ضلع بھر میں بیوٹیفکیشن سمیت ترقیاتی منصوبوں کی پیش رفت کا باقاعدگی سے جائزہ لیا جائے۔
ڈپٹی کمشنر نے افسران پر زور دیا کہ وہ فیلڈ میں متحرک رہتے ہوئے عوامی خدمت کے جذبے کے تحت لوگوں کی شکایات کا ازالہ کریں اور مسائل کے فوری حل کو ترجیح بنائیں
