اوکاڑہ: ایپکا ملازمین کی اپنے مطالبات کے حق میں ریلی نکالی اور حکومت کیخلاف شدید نعرے بازی

اوکاڑہ، باغی ٹی وی( نامہ نگار ملک ظفر) ڈسٹرکٹ ایجوکیشن افس سے ڈی سی افس تک ایپکا ملازمین اور مختلف محکمہ جات کے کلرکس نے اپنے مطالبات کے حق میں ریلی نکالی اور حکومت مخالف شدید نعرے بازی کی

اوکاڑہ کے ایپکا ملازمین اور مختلف محکمہ جات کے کلرکس اور محکمہ ریونیو کے ملازمین نے اپنے مطالبات کے حق میں ریلی نکالی جو ضلعی ایجو کیشن آفس سے شروع ہوئی اور ڈپٹی کمشنر آفس پہنچی

ریلی میں سینکڑوں کی تعداد میں ملازمین نے شرکت کی ریلی کے شرکاء نے پلے کارڈ اور فلیکسز اٹھا رکھے تھے جن پر انکے مطالبات درج تھے اس موقع پر ریلی کے شرکاء نے حکومت مخالف سخت نعرے بازی کی ۔

مقررین کا خطاب کرتے ہوئے کہنا تھا کہ سابقہ حکومت نے ہمیں لولی پاپ دیا اور دھرنا ختم کرنے پر ہمارے مطالبات پورے کرنے کا وعدہ کیا لیکن ابھی تک ہمارے مطالبات پورے نہیں ہوئے لیو انکیشمنٹ اور پینشن میں کمی ملازمین کے ساتھ سخت زیادتی ہے جوکسی صورت قابل قبول نہیں

مظاہرین کا مزید کہنا تھاکہ اگر ہمارے مطالبات نہ مانے گئے تو احتجاج کادائرہ وسیع کیا جائے گا اور صوبائی سطح احتجاج اور دھرنا ہوگا