اوکاڑہ (نامہ نگار ملک ظفر) معروف سماجی کارکن ملک خالد یعقوب نے اوکاڑہ میں میڈیکل کالج کے قیام پر مسرت کا اظہار کرتے ہوئے کہا ہے کہ یہ عوام کا دیرینہ خواب تھا جو بالآخر حقیقت بن گیا۔ انہوں نے کہا کہ یہ عظیم کامیابی رکنِ قومی اسمبلی چوہدری ریاض الحق جج کے ویژن، عوامی خدمت اور انتھک جدوجہد کا ثمر ہے۔
ملک خالد یعقوب کا کہنا تھا کہ چوہدری ریاض الحق جج کی سیاست اقتدار کے بجائے عبادت کا درجہ رکھتی ہے اور ان کی قیادت عوامی مسائل کے حل اور علاقے کی ترقی کے لیے وقف ہے۔ میڈیکل کالج کی منظوری ان کے خلوص اور جذبے کا عملی ثبوت ہے۔
انہوں نے وزیر اعلیٰ پنجاب محترمہ مریم نواز شریف اور چوہدری ریاض الحق جج کا شکریہ ادا کرتے ہوئے کہا کہ یہ منصوبہ اوکاڑہ کے نوجوانوں کے لیے اعلیٰ تعلیم کے دروازے کھولے گا اور انہیں دوسرے شہروں کی طرف ہجرت سے نجات دلائے گا۔ انہوں نے اس امید کا اظہار کیا کہ یہ میڈیکل کالج اوکاڑہ کو تعلیمی میدان میں ایک نئی شناخت دے گا۔
آخر میں انہوں نے دعا کی کہ اللہ تعالیٰ چوہدری ریاض الحق جج کو مزید کامیابی عطا فرمائے تاکہ وہ عوامی خدمت کا سفر جاری رکھ سکیں۔
