اوکاڑہ : کوئی ہم سا ہوتوسامنے آئے،ٹریفک پولیس،اپنا چالان،اپنی ہی عدالت،جعلی رسیدیں

اوکاڑہ ،باغی ٹی وی (نامہ نگار ملک ظفر)کوئی ہم سا ہوتوسامنے آئے،ٹریفک پولیس،اپنا چالان،اپنی ہی عدالت،جعلی رسیدیں
تفصیل کے مطابق کرپشن کے حوالہ سے ٹریفک پولیس کسی سے پیچھے نہیں اپنا چالان اور اپنی ہی عدالت ،اوکاڑہ جعلی رسیدوں پر چالان کرنے والے دو ٹریفک پولیس اہلکار پکڑے گئے،اوکاڑہ ٹریفک وارڈن عثمان اور طارق اسماعیل نے جعلی چلان بک بنوا رکھی تھی جس پر فرضی چالان کاٹ کر ڈرائیوروں کو تھما کر اپنی جیبیں گرم کرتے تھے ،ٹریفک پولیس کے اہلکار جعلی رسیدوں کے ذریعہ فرضی نام لکھ کر پانچ پانچ سو جرمانہ نقدی وصول کرتے تھے۔ ٹرک ڈرائیور نے دونوں ٹریفک وارڈن کی شناخت کی اور اپنی جعلی رسید پیش کی ۔ ڈسٹرکٹ پولیس آفیسر اوکاڑہ نے واقعہ کا نوٹس لیتے ہوئے دونوں ٹریفک وارڈن پر مقدمہ درج کرنے کا حکم دیا۔ ایسے ملازمین جو محکمہ کی بدنامی کا باعث بنتے ہیں انکی محکمہ میں کوئی جگہ نہیں ۔جعلی رسید بکس رکھنے والوے ٹریفک وارڈن کے خلاف مقدمہ درج کرنے کے بعد محکمہ کارروائی کا آغاز کر دیا گیا.