اوکاڑہ (باغی ٹی وی، نامہ نگار ملک ظفر) ڈپٹی کمشنر احمد عثمان جاوید کی ہدایت پر اسسٹنٹ کمشنر میم ممتاز کی نگرانی میں تجاوزات کے خلاف بڑے پیمانے پر آپریشن کیا گیا۔ 7 نمبر چونگی اور نواحی علاقے چک نمبر 22 جی ڈی میں اینٹی انکروچمنٹ ٹیموں نے بھاری مشینری کے ذریعے پختہ تجاوزات کو مسمار کر دیا۔
اس موقع پر اسسٹنٹ کمشنر نے میڈیا سے گفتگو کرتے ہوئے کہا کہ حکومت پنجاب کی ہدایات کے مطابق تجاوزات کے خاتمے کے لیے بلا امتیاز کارروائیاں جاری ہیں۔ تجاوزات مافیا کو ہرگز رعایت نہیں دی جائے گی، اور عوامی سہولت کو مدنظر رکھتے ہوئے مکمل صفایا یقینی بنایا جائے گا۔
علاقہ مکینوں نے ضلعی انتظامیہ کی اس کارروائی کو سراہتے ہوئے خوشی کا اظہار کیا اور کہا کہ سڑکیں اور بازار کھلے ہونے سے آمدورفت میں آسانی پیدا ہوگی، جو کہ عوامی مفاد میں ایک اہم قدم ہے۔
