اوکاڑہ،باغی ٹی وی (نامہ نگار ملک ظفر)جماعت اسلامی نے آئی پی پیز کے مسئلے کو بھرپور انداز میں اجاگر کیا۔ چوہدری رضوان احمد
جماعت اسلامی اوکاڑہ کے امیر چوہدری رضوان احمد نے مرکز الفردوس میں پریس کانفرنس کرتے ہوئے 17 جنوری 2025ء کو ملک بھر میں ہونے والے احتجاج میں عوام سے بھرپور شرکت کی اپیل کی۔ انہوں نے کہا کہ حکومت کی معاشی پالیسیوں پر شدید تنقید کی اور وزیراعظم کی جانب سے اسٹاک ایکسچینج انڈیکس میں بہتری کی خوشخبریوں کو مسترد کرتے ہوئے کہا کہ عوام کی مشکلات میں کوئی کمی نہیں آئی۔
چوہدری رضوان احمد نے مزید کہا کہ پیٹرول اور کھانے پینے کی اشیاء کی قیمتوں میں مسلسل اضافہ ہو رہا ہے، جس سے عوام کی زندگی مزید مشکل ہو گئی ہے۔ انہوں نے جماعت اسلامی کی جانب سے آئی پی پیز کے مسئلے کو بھرپور انداز میں اجاگر کرنے کا ذکر کیا، جس کے نتیجے میں پانچ آئی پی پیز بند ہو چکے ہیں اور مزید اٹھارہ آئی پی پیز کے ساتھ بات چیت جاری ہے، مگر اس کے باوجود بجلی کے بلوں میں کمی کیوں نہیں کی جا رہی؟
چوہدری رضوان احمد نے کہا کہ جماعت اسلامی کا مطالبہ ہے کہ حکومت عوام کو فوری ریلیف دینے کے لیے عملی اقدامات کرے اور مہنگائی پر قابو پانے کے لیے مؤثر پالیسیاں اپنائے۔
