اوکاڑہ (نامہ نگار)حکومت پنجاب کے ایک نئے اقدام کے تحت پنجاب لینڈ ریکارڈ کی جانب سے اراضی کے فوری انتقالات اور فردات کے اجراء کے لیے "اراضی معاون” کی خدمات کا آغاز کر دیا گیا ہے۔
اس نئی سروس کے تحت، حکومت سے منظور شدہ فرنچائز اونر کسی بھی وقت اراضی کے انتقالات اور فرد کے فوری اجراء کا اختیار رکھیں گے۔ اراضی ریکارڈ سنٹر اوکاڑہ کے انچارج کے مطابق یہ ایک خوش آئند قدم ہے، جس کے ذریعے شہری دفتری اوقات کے بعد بھی اپنی ضروریات پوری کر سکیں گے۔
انہوں نے مزید کہا کہ مستقبل میں اس سروس میں مزید بہتری لائی جائے گی تاکہ شہریوں کے لیے زیادہ سے زیادہ سہولیات پیدا کی جا سکیں۔ ابتدائی طور پر اس سروس سے فائدہ اٹھانے والے شہری کافی مطمئن ہیں اور انہوں نے حکومت پنجاب کے اس اقدام کو سراہا ہے۔
