ملک ظفر اقبال بھوہڑ کو عوامی میڈیا کونسل کا چیئرمین منتخب ہونے پر آل پاکستان بھوہڑ ایسوسی ایشن کی مبارکباد

اوکاڑہ (نامہ نگار باغی ٹی وی) آل پاکستان بھوہڑ ایسوسی ایشن نے سینئر صحافی، معروف کالم نگار اور سماجی رہنما ملک ظفر اقبال بھوہڑ کو عوامی میڈیا کونسل اوکاڑہ کا چیئرمین منتخب ہونے پر دلی مبارکباد پیش کی ہے۔ ایسوسی ایشن کے مرکزی قائدین نے اپنے مشترکہ بیان میں کہا ہے کہ ملک ظفر اقبال جیسے باہمت، سچ گو اور مخلص صحافی کی قیادت میں عوامی میڈیا کونسل مزید مؤثر اور فعال کردار ادا کرے گی۔

بیان میں کہا گیا کہ ملک ظفر اقبال بھوہڑ کی صحافتی خدمات، عوامی مسائل کو اجاگر کرنے میں ان کی مسلسل جدوجہد، اور بے باک اندازِ صحافت ان کی قیادت کو قابل اعتماد بناتا ہے۔ ایسوسی ایشن نے امید ظاہر کی کہ وہ صحافیوں کے حقوق کے تحفظ اور مقامی سطح پر عوامی مسائل کے حل میں نمایاں کردار ادا کریں گے۔

اس موقع پر عوامی میڈیا کونسل اوکاڑہ کی جانب سے "بہترین رپورٹر” کی شیلڈ بھی دی گئی جو صدر اوکاڑہ پریس کلب شہباز شاہین نے ملک ظفر اقبال کے حوالے کی۔ اس اعزاز کو صحافتی برادری نے ایک خوش آئند اقدام قرار دیا۔