اوکاڑہ(باغی ٹی وی نامہ نگار ملک ظفر)ڈپٹی کمشنر احمد عثمان جاوید کے احکامات پر اکبر روڈ پر تجاوزات کے خلاف انکروچمنٹ ٹیموں کا گرینڈ آپریشن، ڈپٹی کمشنر تجاوزات کے خلاف آپریشن کی نگرانی کرتے رہے،
اس موقع پر ایڈیشنل ڈپٹی کمشنر جنرل حافظ محمد عمر طیب، اسسٹنٹ کمشنر احسن ممتاز سمیت دیگر افسران اور انکروچمنٹ ٹیموں کے نمائندے بھی موجود تھے، بھاری مشینری کی مدد سے روڈ کے اطراف پختہ تجاوزات کو گرا دیا گیا،
سالہا سال سے قبضہ مافیا کی تجاوزات کے خلاف گرینڈ آپریشن پر عوام نے ضلعی انتظامیہ کو خراج تحسین پیش کیا، ڈپٹی کمشنر احمد عثمان جاوید نے کہا ہے کہ قبضہ مافیا کے خلاف جاری اپریشن میں کسی قسم کی رعایت ہرگز نہیں برتی جائے گی،
تجاوزات کے خلاف آپریشن سے شہر کی خوبصورتی میں اضافہ ہوگا،تجاوزات کے خاتمے سے ٹریفک کی مکمل بحالی سے عوام کی زندگی میں آسانی پیدا ہوگی۔.
