اوکاڑہ (نامہ نگار ملک ظفر) پولیس اور فوڈ ونڈو ریسٹورنٹ کے درمیان مفاہمتی یادداشت (ایم او یو) پر دستخط ہو گئے۔ ڈی پی او اوکاڑہ راشد ہدایت اور چیئرمین فوڈ ونڈو ریسٹورنٹ سلمان چوہدری نے معاہدے پر دستخط کیے۔
اس معاہدے کے تحت پولیس شہداء اور فوت شدہ ملازمین کے اہل خانہ کو 25 فیصد رعایت دی جائے گی، جبکہ حاضر سروس ملازمین بھی 25 فیصد رعایت کے مستحق ہوں گے۔
ایم او یو کا مقصد پولیس شہداء کے خاندانوں، حاضر سروس پولیس اہلکاروں اور ان کے اہل خانہ کو معیاری اور رعایتی سہولیات فراہم کرنا ہے۔
