اوکاڑہ: نوکری اور شادی کا جھانسہ دے کر خاتون سے زیادتی، ملزم گرفتار
اوکاڑہ(باغی ٹی وی،نامہ نگار ملک) نجی اکیڈمی کے مالک نے مبینہ طور پر خاتون کو نوکری اور شادی کا جھانسہ دے کر زیادتی کا نشانہ بنا ڈالا۔ پولیس نے متاثرہ خاتون کی شکایت پر مقدمہ درج کر کے ملزم کو گرفتار کر لیا۔
تفصیلات کے مطابق، اوکاڑہ گرلز کالج ٹو کے قریب واقع نجی اکیڈمی کے مالک اسلام علی نے عدیلہ جاوید نامی خاتون کو ٹیچر کی ملازمت اور شادی کا جھانسہ دے کر اکیڈمی بلایا۔ ایف آئی آر کے مطابق، ملزم نے خاتون کو تین دن تک حبسِ بے جا میں رکھا اور زیادتی کی۔ بعد ازاں، نہ صرف شادی سے انکار کیا بلکہ نوکری کی پیشکش بھی واپس لے لی۔
پولیس نے متاثرہ خاتون کو میڈیکل معائنے کے لیے ڈسٹرکٹ ہیڈکوارٹر ہسپتال منتقل کر دیا ہے۔ ترجمان پولیس کے مطابق، میڈیکل رپورٹ اور شواہد کی بنیاد پر ملزم اسلام علی کے خلاف سخت قانونی کارروائی کی جائے گی۔
