اوکاڑہ باغی ٹی وی( نامہ نگار ملک ظفر) خصوصی افراد کی معذوری کو ان کی ترقی کے راستے میں رکاوٹ نہیں بننے دیں گے -طاہر امین
تفصیل کے مطابق ایڈیشنل ڈپٹی کمشنر فنانس اینڈ پلاننگ چوہدری طاہر امین نے کہا ہے کہ خصوصی افراد کو معاشرہ کا کارآمد شہری بنانے کے لئے تمام سرکاری اداروں کو مربوط حکمت عملی کے تحت اقدامات کرنا ہیں خصوصی افراد کی معذوری کو ان کی ترقی کے راستے میں رکاوٹ نہیں بننے دیں گے اور اس کے لئے حکومت نے جو پالیسیاں مرتب کی ہیں ان کے ثمرآت ان تک پہنچیں گے تمام سرکاری محکمے خصوصی افراد کے لئے مختص کوٹہ پر بھرتی کو یقینی بنائین ان خیالات کا اظہار انہوں نے خصوصی افراد کی شکایا ت کے ازالہ کے لئے بنائی گئی کمیٹی کے اجلاس کی صدارت کرتے ہوئے کیا اجلاس میں ڈپٹی ڈائریکٹر سوشل ویلفیئر محمد اشتیاق خان ،ڈی ای او ہیلتھ ڈاکٹر اعجاز شاہ ،خصوصی افراد کے نمائندہ محمد ابرار ، چیمبر آف کامرس کے نمائندہ سمیت متعلقہ محکموں کے افسران نے شرکت کی اس موقع پر ڈپٹی ڈائریکٹر سوشل ویلفیئر محمد اشتیاق خان نے بریفنگ دیتے ہوئے بتایا کہ خصوصی افراد کی شکایات کے ازالہ کے لئے سوشل ویلفیئر آفس میں شکایات سیل قائم کر دیا گیا ہے خصوصی افراد کو معلومات فراہم کرنے کے لئے واٹس ایپ گروپ بھی بنایا جا چکا ہے ضلع میں صنعتی یونٹوں میں خصوصی افراد کے لئے ملازمتوں کے لئے تین فیصد کوٹہ ہے جس عملد ر آمدکروایا جا رہا ہے خصوصی افراد کی رجسٹریشن کے لئے 552 درخواستوں کا جائزہ لینے کے بعد ان کے متعلقہ سر ٹیفیکیٹس جاری کرنے کے سلسلہ میں اقدامات کئے جا رہے ہیں خصوصی افراد کے نمائندہ محمد ابرار کی جانب سے ڈیلی ویجز ملازمین کو کم اور بر وقت اجرت ادا نہ کرنے کی شکایت پر ایڈیشنل ڈپٹی کمشنر فنانس اینڈ پلاننگ چوہدری طاہر امین نے ہدایت کی کہ خصوصی افراد کا استحصال کرنے والے افراد یا اداروں کے خلاف قانونی کاروائی کی جائے ۔
Shares:
