اوکاڑہ (نامہ ملک ظفر) ڈویژنل انفورسمنٹ آفیسر وسیم جاوید نے ضلع کونسل کے افسران کے ہمراہ تجاوزات کے خلاف سخت کارروائی کی۔ انہوں نے ضلع کونسل کی اینٹی انکروچمنٹ ٹیموں کے ساتھ شہر کے مختلف مقامات پر چیکنگ کی اور دیپالپور روڈ سے اپنی نگرانی میں عارضی تجاوزات ختم کروائیں۔
اس موقع پر ڈویژنل انفورسمنٹ آفیسر وسیم جاوید نے کہا کہ تجاوزات کے ذریعے عوام کے لیے مشکلات پیدا کرنے والوں کو اپنی ذمہ داری کا احساس ہونا چاہیے۔ حکومت پنجاب کے احکامات پر تجاوزات کے خلاف بلا امتیاز کارروائیاں کی جا رہی ہیں۔
اس لیے تجاوزات کرنے والوں کو کسی قسم کی رعایت نہیں دی جائے گی۔ تجاوزات کرنے والوں پر بھاری جرمانے عائد کیے جائیں گے اور تجاوزات کا سامان ضبط کر لیا جائے گا۔
