اوکاڑہ (نامہ نگار ملک ظفر) سیشن جج اوکاڑہ راجہ قمر الزمان کی عدالت نے خاتون قتل کیس کا فیصلہ سنا دیا۔ عدالت نے مجرم محمد آصف کو عمر قید اور 3 لاکھ روپے جرمانے کی سزا سنائی، جرمانہ ادا نہ کرنے کی صورت میں مزید 6 ماہ قید کاٹنا ہوگی۔
استغاثہ کے مطابق نومبر 2022 میں چک نمبر 2 فور ایل، عامر کالونی اوکاڑہ میں گھریلو تنازعے پر محمد آصف نے فائرنگ کر کے رانیہ بی بی نامی خاتون کو قتل کر دیا تھا۔ واقعہ کا مقدمہ نمبر 1796/25 تھانہ صدر اوکاڑہ میں درج کیا گیا تھا۔ سیشن عدالت میں مکمل ٹرائل کے بعد جرم ثابت ہونے پر عدالت نے سزا کا فیصلہ سنایا۔
ڈسٹرکٹ پولیس آفیسر (ڈی پی او) اوکاڑہ نے کیس کی مؤثر تفتیش پر تفتیشی افسر اور لیگل ٹیم کو شاباش دی اور کہا کہ کسی بے گناہ کو قتل کرنے والا کسی رعایت کا مستحق نہیں۔
