اوکاڑہ (نامہ نگار ملک ظفر) نواحی گاؤں 35 فور ایل میں رشتہ کے تنازع پر نوجوان عثمان کو فائرنگ کرکے قتل کردیا گیا۔ پولیس نے مقدمہ درج کر کے ایک ملزم کو گرفتار کرلیا۔
تفصیلات کے مطابق مقتول عثمان گاؤں کے رہائشی علی رضا کی بہن کا رشتہ لینا چاہتا تھا تاہم علی رضا اور اس کے اہل خانہ نے انکار کر دیا اور اپنی بیٹی کا رشتہ دوسری جگہ طے کر دیا۔ علی رضا کو شبہ تھا کہ عثمان کی وجہ سے اس کی بہن نے رشتہ کرنے سے انکار کیا ہے۔
گزشتہ روز فہد یاسین اور دیگر ملزمان نے بات کرنے کے بہانے عثمان کو بلا کر علی رضا کے گھر لے گئے، جہاں علی رضا، فہد یاسین اور ان کے ساتھیوں نے ذاتی اسلحہ سے فائرنگ کر دی۔ عثمان شدید زخمی ہو گیا اور اسپتال منتقل کیے جانے کے دوران زخموں کی تاب نہ لاتے ہوئے دم توڑ گیا۔
واقعہ کی اطلاع پر تھانہ شاہبھور پولیس موقع پر پہنچی، شواہد اکٹھے کرنے کے بعد لاش کو پوسٹ مارٹم کے لیے اسپتال منتقل کیا۔ پولیس نے مقدمہ نمبر 478/25 درج کرکے تفتیش شروع کر دی ہے اور ایک ملزم کو گرفتار کرلیا گیا ہے جبکہ دیگر کی گرفتاری کے لیے کارروائی جاری ہے۔
