انسدادِ دہشت گردی عدالت راولپنڈی نے پی ٹی آئی کے رہنما و قومی اسمبلی میں اپوزیشن لیڈر عمر ایوب اور راجہ بشارت کی ضمانت بعد از گرفتاری منظور کرلی ہے
عدالت نے عمر ایوب اور راجہ بشارت کو رہا کرنے کا حکم دے دیا جس کے بعد دونوں رہنماؤں کو رہا کردیا گیا ہے،اے ٹی سی کے جج امجد علی شاہ نے درخواستِ ضمانت پر سماعت کی ،گزشتہ روز پی ٹی آئی رہنمائوں کو اڈیالہ جیل سے گرفتار کیا گیا تھا ۔دوران سماعت عدالت نے برہمی کا اظہار کرتے ہوئے کہا کہ پشاور ہائیکورٹ سے ضمانت ہونے کے باوجود کیوں گرفتار کیا؟
واضح رہے کہ اپوزیشن لیڈر عمر ایوب اور راجہ بشارت سمیت پی ٹی آئی کے 5 رہنماؤں کو راولپنڈی پولیس نے گزشتہ روز اڈیالہ جیل کے باہر سے گرفتار کیا تھا عمر ایوب، راجہ بشارت، احمد ناصر چٹھہ پر تھانہ انجرا اٹک اور تھانہ حسن ابدال میں مقدمات درج ہیں،راجہ ماجد دانیال اور ملک عظیم کو تھانہ دھمیال کے مقدمے میں گرفتار کیا گیا تھا۔ پانچوں رہنماؤں کے خلاف 24 نومبر کے احتجاج پر مقدمات درج کیے گئے تھے،مقدمات میں جلاؤ گھیراؤ، توڑ پھوڑ، کار سرکار میں مداخلت، پولیس پر حملے اور سرکاری املاک کو نقصان پہنچانے کا الزام ہے۔
ہمیں غیر قانونی حراست میں رکھا گیا، ذمہ دار شہبازشریف ،محسن نقوی ہیں، عمر ایوب
رہائی کے بعد عمر ایوب کا کہنا تھا کہ میں وکلا کا مشکور ہوں انہوں نے محنت کی، آج عدالت نے ضمانت منظور کی، غیر قانونی حراست میں ہمیں رکھا گیا،پولیس لائنز میں غیر قانونی حراست میں رکھا گیا، میرے پاس پشاور ہائیکورٹ کی ضمانت تھی، عدالت نے پولیس سے پوچھا تو انکے پاس کوئی جواب نہیں تھا، عدالت نے ضمانت منظور کر کے فوری رہائی کا حکم دیا، میں شہباز شریف، آئی جی پنجاب، محسن نقوی، ڈی پی او اٹک کو ذمہ دار ٹھہراتا ہوں کہ انہوں نے غیر قانونی کام کیا،
