ٹوبہ ٹیک سنگھ میں تھانہ رجانہ کی حدود کشی بستی میں افسوسناک واقعہ پیش آیا، جہاں 21 سالہ نوجوان عباس نے زہر کھا کر زندگی کا خاتمہ کر لیا، واقعے کی اطلاع ملنے پر اس کا قریبی دوست 19 سالہ ساجد بھی دلبرداشتہ ہو کر زہریلی گولیاں کھا بیٹھا۔
پولیس کے مطابق دونوں نوجوانوں میں گہری دوستی تھی اور ان کا تعلق غریب گھرانوں سے تھا۔ واقعے کے فوراً بعد دونوں کی لاشوں کو اسپتال منتقل کر دیا گیا۔ابتدائی تحقیقات کے مطابق عباس نے مبینہ طور پر غربت سے تنگ آ کر خودکشی کی، جبکہ ساجد نے عباس کی خودکشی کی خبر سنتے ہی موقع پر پہنچ کر خود بھی زہر کھا لیا۔
پولیس کا کہنا ہے کہ مرنے والے دونوں نوجوانوں کے لواحقین نے کسی قسم کی قانونی کارروائی سے انکار کر دیا ہے۔ واقعے کی مزید تحقیقات جاری ہیں۔
2 لاکھ روپے نقد جمع کرانے پر ٹیکس کٹوتی نہیں ہوگی،ایف بی آر کی تاجروں کو یقین دہانی
وزیراعظم کی آصف زرداری سے ملاقات، معیشت اور سیکیورٹی پر تبادلہ خیال
