فوڈ سٹریٹ راولپنڈی میں بھارتی ڈرون گر گیا۔ ایک شخص زخمی ہو گیا، زخمی کو طبی امداد کے لئے ہسپتال منتقل کر دیا گیا،
راولپنڈی کرکٹ اسٹیڈیم سے ملحقہ فوڈ اسٹریٹ میں ڈرون گرا،ڈرون درخت سے ٹکرانے کے بعد ایک دکان کے اندر گرا،ڈرون گرنے سے ایک شخص شدید زخمی ہوا،ڈرون گرنے سے دکان کے شیشے اور دیگر سامان کو بھی نقصان پہنچا،قانون نافذ کرنے والے اداروں کے تحقیقات کا آغاز کر دیا
علاوہ ازیں راولپنڈی رومی روڈ میں تیسرا ڈرون مارگرایا گیا۔ ڈرون ایک مقامی بنگلہ پر کریش کرگیا۔ریس کورس کے قریب بھی بھارتی ڈرون گرایا ہے،قانون نافذ کرنے والےاداروں کے اہلکاروں کی تحقیقات جاری ہیں،ڈرونز کافی دیر تک ہوا میں بھی پرواز کرتے رہے
قبل ازیں ڈی جی آئی ایس پی آر نے کہا تھا کہ پاکستان نے بھارت کے 12 ڈرون مختلف شہروں میں گرائے ہیں، ترجمان پاک فوج نے راولپنڈی میں بھی ڈرون گرانے کا بتایا تھا، لاہور میں ڈرون گرنے سے پاک فوج کے 4 جوان زخمی ہوئے ہیں، سندھ میں ایک شہری شہید، ایک زخمی ہوا ہے
