اوچ شریف (نامہ نگارحبیب خان) ڈی پی او بہاولپور اسد سرفراز احمد خان نے تھانہ اوچ شریف میں کھلی کچہری کا انعقاد کیا، جہاں شہریوں نے اپنے مسائل پیش کیے۔ ڈی پی او نے تمام شکایات کو سنجیدگی سے سنا اور فوری حل کے احکامات جاری کیے۔
شہریوں کی جانب سے مقدمات میں تاخیر، پولیس رویے اور دیگر مسائل پر شکایات پیش کی گئیں۔ ڈی پی او نے کہا کہ کھلی کچہری کا مقصد میرٹ پر انصاف کی فراہمی اور عوام کے اعتماد کو بحال کرنا ہے۔ انہوں نے پولیس افسران کو دیانت داری سے اپنے فرائض انجام دینے کی ہدایت کی اور شہریوں سے تعاون کی درخواست کی۔
ڈی پی او اسد سرفراز احمد نے یقین دلایا کہ عوام کے مسائل کو ترجیحی بنیادوں پر حل کیا جائے گا اور پولیس اپنی تمام تر صلاحیتیں عوامی خدمت کے لیے بروئے کار لائے گی۔ شہریوں نے اس اقدام کو سراہتے ہوئے پولیس کے ساتھ بہتر تعلقات کی امید ظاہر کی۔
