کوئٹہ :عید کی آمد، ڈپٹی کمشنر کی ہدایت پر ضلعی انتظامیہ کا تجاوزات کے خلاف آپریشن جاری

کوئٹہ (نامہ نگار کوٸٹہ زبیر خان آکاخیل ) عید کی آمد پر ڈپٹی کمشنرکوئٹہ شہک بلوچ کی ہدایت پر ضلعی انتظامیہ کی تجاوزات کے خلاف کارروائیاں جاری ہیں اس سلسلے میں اسسٹنٹ کمشنر سٹی کوئٹہ عطاءالمنیم اسپشل مجسٹریٹ ماریہ شامون نےشہر کے جوائنٹ روڈ۔اور ور دیگر ملحقہ علاقہ میں تجاوزات کے خلاف کارروائی کرتے ہوئے خلاف ورزی کے مرتکب معتدہ افراد کو گرفتار کرلیا جبکہ اس دوران ان علاقوں میں تجاوزات قائم کرکے سٹرک بند اور فٹ پاتھوں پر سامان رکھنے پر متعدد دکانداران کو وارننگ اور سامان ہٹا کر سڑک صاف کردیاگیا۔اس موقع پر اسسٹنٹ کمشنر سٹی کوئٹہ عطاءالمنیم نے دکانداروں کو تنبیہ کرتے ہوئے کہا کہ سڑکوں اور فٹ پاتھوں پر سامان رکھنے اور تجاوزات قائم کرنے کی ہرگز اجازت نہیں دی جائے گی۔ اس سلسلے میں خلاف ورزی کی صورت میں آئندہ سخت اقدامات اٹھائے جائیں گے لہذا تمام دکانداران اپنے سامان اندر رکھیں تاکہ لوگوں کو پریشانی کا سامنا نہ کرنا پڑے۔انہوں نے کہاکہ ضلعی انتظامیہ عوام کو ریلیف فراہم کرنے کے لیے ہرممکن اقدامات اٹھا رہی ہے اور خلاف ورزی کرنے والوں کے خلاف مزید کارروائیاں بھی جاری رہیں گی۔