حالیہ بارشوں اور سیلابی صورتحال کے باعث معطل ہونے والا سیالکوٹ انٹرنیشنل ایئرپورٹ کا فضائی آپریشن بحال کر دیا گیا۔
ترجمان کے مطابق بحالی کے بعد پہلی بین الاقوامی پرواز کچھ دیر بعد سیالکوٹ اترے گی۔ شارجہ سے آنے والی نجی ایئرلائن کی پرواز 170 مسافروں کو لے کر رواں دواں ہے۔ایئرپورٹ حکام کا کہنا ہے کہ سیلابی پانی کے باوجود رن وے، ایپرون، ٹرمینل بلڈنگ اور تمام آلات محفوظ رہے ہیں۔ فضائی آپریشن بحال ہوتے ہی تمام ایئرلائنز نے اپنا نیا شیڈول جاری کر دیا، جبکہ انتظامات مکمل کر لیے گئے ہیں۔ترجمان کے مطابق رات گئے اور صبح تک متعدد نجی و بین الاقوامی پروازیں شیڈول ہیں۔
واضح رہے کہ 27 اگست کو شدید بارشوں اور سیلاب کے باعث ایئرپورٹ پر فلائٹ آپریشن معطل کر دیا گیا تھا۔ اس دوران عملہ دن رات پانی کے اخراج میں مصروف رہا اور تمام وسائل بروئےکار لائے گئے۔
ایران پر دوبارہ پابندیاں، یورپی کوشش چین اور روس نے مسترد کر دی
جوا پروموشن کیس میں گرفتاریوں کا دائرہ وسیع، مناہل ملک بھی ریڈار پر
دریائے چناب میں شدید طغیانی، جھنگ اور دیگر علاقے زیرِ آب
موسلادھار بارش سے راول ڈیم فل، اسپل ویز کھولنے کا فیصلہ
