وزیراعظم شہباز شریف نے وزارتِ آبی وسائل کو ہدایت دی ہے کہ خیبرپختونخوا میں سیلاب سے متاثرہ حکومت کی ہر ممکن معاونت کی جائے۔
سیلاب سے نقصانات اور امدادی اقدامات پر جائزہ اجلاس کی صدارت کرتے ہوئے وزیراعظم نے کہا کہ متاثرہ عوام کی مدد کرنا قومی فریضہ ہے۔اجلاس کو بریفنگ میں بتایا گیا کہ ملک کے بالائی اور جنوبی حصوں میں مزید بارشوں کا امکان ہے۔وفاقی وزیر اطلاعات عطا تارڑ نے نیوز بریفنگ میں کہا کہ سیلاب زدہ علاقوں میں امدادی سرگرمیاں تسلی بخش ہیں، رابطہ سڑکیں بحال کردی گئی ہیں اور بجلی کی فراہمی بھی بہتر ہوئی ہے۔
چیئرمین این ڈی ایم اے نے اجلاس میں بتایا کہ دریائے ستلج میں پانی کا لیول بڑھ رہا ہے، جس کا بہاؤ 2 لاکھ کیوسک تک پہنچ سکتا ہے۔ انہوں نے کہا کہ موسم سے متعلق مسلسل الرٹس جاری کیے جا رہے ہیں۔
خدمت خلق کے یہ جوان اور ہمارا فرض،تحریر: سعد فاروق
ہردس میں سے چار وزرائے اعلیٰ کے خلاف فوجداری مقدمات
کبوتر پکڑ لیا،سرنڈر مودی کے ساتھ ہاتھ ہوگیا، گودی میڈیا ہلکان
