بچہ ماں سے چھین کر بیرون ملک بھیجنے کا معاملہ، وزیر داخلہ اور وزیر خارجہ کو رپورٹ جمع کروانے کا حکم

لاہور:لاہور ہائیکورٹ میں کمسن بچے کے دستاویزات تبدیل کرکے بیرون ملک لے جانے کے معاملے میں سماعت کے دور ان عدالت نے برہمی کا اضہار کر تے ہوئے کہا کہ آپ نے بدنام زمانہ لوگ بھرتی کیے ہوئے ہیں، ہر کرپٹ بندہ اہم عہدے پر موجود ہے۔

باغی ٹی وی: لاہور ہائیکورٹ میں کمسن بچے کے دستاویزات تبدیل کرکے بیرون ملک لے جانے کے معاملے کی سماعت ہوئی،چیف جسٹس لاہور ہائیکورٹ نے بچہ ماں سے چھین کر بیلجیئم بھیجے جانے کے معاملے پر رابعہ بی بی کی درخواست پر سماعت کی، سیکرٹری وزرات خارجہ لاہور ہائیکورٹ میں پیش ہوئے-

دور ان سماعت عدالت نے کہا کہ ایک سال تک آپ نے اس عدالت کو بھی دھوکہ دیا کہ ملزم دبئی میں پکڑا گیا ہے، اب ایک ماہ میں نتیجہ چاہیے ہر پیشی پر یہ خواتین آتی ہیں، 3 سال گزر گئے ہیں، اگلی پیشی پر آپ کے وزرا کو بلائیں گے، اس کے بعد وزیر اعظم اور وزیراعلیٰ رہ جاتے ہیں، ایک سال ہمارا اس طرح سے ضائع کیا گیا کہ ملزم پکڑا گیا ہے، آپ نے بدنام زمانہ لوگ بھرتی کیے ہوئے ہیں، ہر کرپٹ بندہ اہم عہدے پر موجود ہے۔

سعودی عالمِ دین فیصل مسجد میں نمازِعید پڑھائیں گے

عدالت نے استفسار کیا کہ آپ نے بیلجیم کے سفیر سے اس حوالے سے کوئی رابطہ کیا ؟جس پر سرکاری وکیل نے کہا کہ ہم نے اس حوالے سے رابطہ کیا ہے،عدالت نے کہا کہ اگر آپ نے کوئی رابطہ کیا ہے تو کوئی خط دکھائیں، سرکاری وکیل نے کہا کہ ہم یورپ ڈویژن سے بات کر کے منگوا سکتے ہیں، لاہور ہائیکورٹ نے کہا کہ کوشش آپ 3 سال سے کر رہے ہیں، آپ مجھے اپنی مرضی کا وقت بتا دیں۔

سیکریٹری داخلہ نے کہا کہ ہم تو اپنی طرف سے کوشش کریں گے، دوسرے ملک کے جواب پر منحصر ہے، عدالت نے کہا کہ دوسرا ملک بھی اسی وقت کچھ کرتا ہے، جب آپ سنجیدگی سے کوشش کرتے ہیں، اگر آپ سے یہ کام نہیں ہو سکتا تو بتا دیں، ہم آپ کے وزیر کو بلا لیتے ہیں۔

پی ٹی آئی کا چیئرمین اور ڈپٹی چیئرمین سینیٹ کے انتخاب کے بائیکاٹ کا …

سیکریٹری داخلہ نے عدالت کو بتایا کہ میں نے دفتر خارجہ سے بات کی ہے، وہ کہہ رہے ہیں کہ ہمیں 2 ماہ دئیے جائیں، جس پر چیف جسٹس لاہور ہائیکورٹ نے کہا کہ نہیں، 2 ماہ نہیں دئیے جا سکتے، آپ کو میں ایک ماہ کا وقت دے رہا، ایک ماہ کا وقت بھی بہت زیادہ ہے، ہمیں ایک ماہ میں نتیجہ چاہیے، ورنہ ہم آپ کے وزرا کو بلائیں گے، بلکل جھوٹ بول رہے ہیں آپ، آپ نے ایسا کوئی خط نہیں لکھا، قسم کھا رکھی ہے کام نہ کرنے کی وزیر خارجہ اسحاق ڈار کی جانب سے رپورٹ عدالت میں جمع نہیں کروائی گئی، وزیر داخلہ محسن نقوی اور وزیر خارجہ اسحاق ڈار اگلی سماعت پر رپورٹ عدالت میں جمع کروائیں۔

بجلی اورگیس کی قیمتوں میں اضافہ ، مہنگائی 50 سال کی بلند ترین سطح پر …