اوچ شریف: شہید اے ایس آئی ارشاد بڈانی کی قربانی کو کبھی فراموش نہیں کیا جا سکتا،چوہدری فرخ

اوچ شریف باغی ٹی وی (نامہ نگار حبیب خان): پنجاب پولیس کے شہید اے ایس آئی ارشاد بڈانی کو ان کے یوم شہادت پر خراج عقیدت پیش کیا گیا۔ شہید کی آخری آرام گاہ پر چاق و چوبند پولیس دستے نے سلامی پیش کی اور ڈی ایس پی چوہدری فرخ جاوید سمیت دیگر عہدیداروں نے پھول چڑھا کر فاتحہ خوانی کی۔

شہید ارشاد بڈانی نے کم عمری میں ہی عوام کی خدمت میں اپنی جان کا نذرانہ دے دیا تھا۔ ان کی شجاعت اور قربانی کو کبھی فراموش نہیں کیا جا سکتا۔ اس موقع پر ڈی ایس پی چوہدری فرخ جاوید نے کہا کہ شہید کی موت قوم کی حیات ہے اور ان کی قربانی نے ہمیں فخر سے سر بلند کیا ہے۔

شہید کے آبائی علاقے چک کہل میں منعقدہ اس تقریب میں شہید کے اہل خانہ اور عزیز و اقارب نے بھی شرکت کی۔ عوام نے بھی شہید کو خراج عقیدت پیش کیا اور ان کی مغفرت کے لیے دعا کی۔