ڈیرہ غازی خان باغی ٹی وی ( نیوز رپورٹرشاہد خان ) حکومت پنجاب کی ہدایت پر ڈیرہ غازی خان ڈویژن کو سرسبز و شاداب بنانے کےلئے اقدامات شروع کردئیے گئے ۔
پارکس اینڈ ہارٹیکلچر اتھارٹی کی زیر نگرانی پھول اور پودوں کی نرسریاں قائم کردی گئیں۔ایڈیشنل کمشنر و ڈائریکٹر جنرل پی ایچ اے ڈیرہ غازی خان کریم بخش نے شہر کے مختلف مقامات کا دورہ کیا۔
انہوں نے پارکس،گرین بیلٹس اور میڈینز کا معائنہ کیا۔نرسریوں کی تیاری اور دیگر معاملات کا جائزہ لیا۔انہوں نے کیا کہ موسم بہار کی شجرکاری کےلئے شہر کے مختلف مقامات پر پی ایچ اے نے اپنی نرسریاں تیار کرلی ہیں۔
ایڈیشنل کمشنر کریم بخش نے کہا کہ کمشنر ڈاکٹر ناصر محمود بشیر کی ہدایت پر ڈیرہ غازی خان ڈویژن میں بھی نرسریاں تیار کی جارہی ہیں تاکہ ڈویژن کو سر سبز و شاداب بنایا جاسکے۔
انہوں نے شہریوں سے بھی کہا کہ وہ اپنے حصہ کا کم سے کم ایک پودا ضرور لگاکر اس کی دیکھ بھال کریں۔انہوں نے کہا کہ درخت انسانی صحت کےلئے بہت ضروری ہیں۔
