اسلام آباد: ملک بھر میں موسلا دھار بارشوں کا سلسلہ جاری ہے پہاڑی علاقوں میں لینڈ سلائیڈ اور واشک میں ڈیم ٹوٹ گیا،
باغی ٹی وی : پنجاب کے بیشتر شہروں، بلوچستان خیبر پختونخوا، بالائی علاقوں سمیت دیگر ملک کےدیگر اضلاع میں ایک بار پھر بارشوں کا سلسلہ شروع ہو گیا اور وقفے وقفے سے موسلا دھار بارش جاری ہےکوٹلی آزاد کشمیر میں موسلادھار بارش سے لینڈ سلائیڈنگ ہوئی اور تتہ پانی تھاتھی کے مقام پر مکان لینڈ سلائیڈنگ کی زد میں آ گیا جس کے باعث 3 خواتین جاں بحق ہو گئیں،ایک خاتون کی لاش نکال لی گئی جبکہ 2 کی تلاش جاری ہے۔
سوات، گزشتہ برس کے سیلاب سے تباہی، عذاب الہیٰ؟
اس کے علاہ پنجاب کے علاقے چونیاں اور گردونواح میں گرج چمک کے ساتھ موسلا دھار بارش کے باعث بجلی کے متعدد فیڈرز ٹرپ کر گئےخیبر پختو نخوا کے شہروں مانسہرہ اور ایبٹ آباد میں بھی گرج چمک کے ساتھ تیز بارش ہوئی،محکمہ موسمیات نے ملک بھر میں مزید بارشوں کی پیشگوئی کر دی۔
رپورٹس کے مطابق بلوچستان کے شہر واشک اور گردونواح میں موسلادھار بارش سے ندی نالوں میں طغیانی آگئی جبکہ نشیبی علاقے زیر آب آگئےمسلسل بارشوں کے باعث سیلابی ریلے کی زد میں آکر 50 سے زائد کچے مکانات گر گئے، متاثرین کھلے آسمان تلے رات گزارنے پر مجبور ہیں۔
سیالکوٹ :7 محرم الحرام،مرکزی ماتمی جلوس تیز بارش میں بھی سخت سیکیورٹی میں اختتامی منزل …
اس کے علاوہ بسیمہ میں طوفانی بارشوں سے ندی نالوں میں طغیانی کے باعث کئی حفاظتی بند ٹوٹ گئے جبکہ ڈیرہ مرادجمالی میں بارش اورلینڈ سلائیڈنگ کے باعث پیرہ سے ڈیرہ بگٹی اور سوئی سے کشمور جانے والی سڑکیں بند ہوگئیں۔
ایکسین ایری گیشن کے مطابق ناڑی بینک سے 32 ہزار کیوسک،دریائے گھگی سے 6 ہزار 612 کیوسک کا سیلابی ریلہ گزر رہا ہے جبکہ ربی کینال سے 2 ہزار کیوسک سیلابی ریلہ داخل ہوگیا۔
