وزیراعظم شہباز شریف نے کہا کہ پاکستان کے ہر شہری، مسلح افواج اور قانون نافذ کرنے والے اداروں نے یہ جنگ لڑی۔
دہشت گردی سے متاثرین کو خراج تحسین پیش کرنے کے عالمی دن پر اپنے پیغام میں،وزیراعظم شہباز شریف نے کہا کہ پاکستان آج ہم آواز ہو کر دہشتگردی سے متاثرہ لوگوں سے اظہار یکجہتی کرتا ہے،پاکستان میں ہر عمر کے لوگوں نے دہشتگردی کے خلاف جنگ لڑی ہے، پاکستان نے قربانیاں دے کر دہشت گردی کو شکست دی ہے،دہشت گرد امن و خوشحالی کے عزم کو پسپا نہیں کر سکتے، پاکستان نے دہشتگردی کیخلاف عالمی جنگ میں اول دستے کا کردار ادا کیا۔
انہوں نے کہا کہ پاکستان نے دہشت گردی کے خلاف جنگ میں 90 ہزار جانوں کا نذرانہ پیش کیا، دہشتگردی کی وجہ سے ملکی معیشت کو بھی خاطر خواہ نقصان ہوا، ہر شہر، بستی میں کوئی نہ کوئی شاہراہ، بازار اور سکول دہشت گردی اور متاثرین کی روداد سناتا ہےدہشت گردی کا شکار پاکستانی معاشرہ اپنی قربانیوں اور مصائب پر افسردہ ہے، پر شجاعت کی داستانوں پر فخر سے سر بلند بھی ہے-
عمران خان کی ضمانت کی اپیلوں پر سماعت کرنیوالا سپریم کورٹ کا بینچ تبدیل
انہوں نے کہا کہ حکومت، فوج اور عوام دہشت گردی کے خاتمے کیلئے کوشاں ہیں،ضرب عضب اور آپریشن رد الفساد میں دہشت گردوں کے عزائم کو شکست دی، سول اور ملٹری اداروں نے ملک کو بے شمار دہشتگردی کے واقعات سے بچایا ہے،بحیثیت قوم دہشت گردی کے متاثرین اور شہدا کو سلام پیش کرتے ہیں،نیشنل ایکشن پلان دہشتگردی کے خلاف جامع حکمت عملی کا بہترین عکاس ہے، نوجوان نسل ملکی سلامتی اور قومی اقدار کی حفاظت کے عزم پر پروان چڑھی ہے۔
اگلے 24 گھنٹوں میں کراچی اور سندھ میں شدید بارش کی پیشگوئی
