لاہور: ایشیا کپ میں شرکت کرنے والی ٹیموں کی شرٹس پر میزبان ملک پاکستان نہ لکھے جانے کی وجہ سامنے آگئی۔
باغی ٹی وی:ایشیا کپ کے دوران پاکستان کا نام میزبان کی حیثیت سے شرٹ پر نہ ہونے کا معاملہ اٹھایا گیا تھا اور پاکستان کا نام نہ ہونے پر فینز نے اے سی سی پر بہت تنقید کی تھی تاہم اب اے سی سی ذرائع کی جانب سے اس پر وضاحت سامنے آئی ہے-
ذرائع کے مطابق ایشین کرکٹ کونسل نے گزشتہ ایشیاکپ کے دوران میزبان ملک کا نام نہ لکھنے کا فیصلہ کیا اور اے سی سی میں متفقہ طور پر یہ فیصلہ کیا گیا تھا جب کہ اسی کے ساتھ میزبان ملک کے ساتھ سال بھی نہ لکھنے کا فیصلہ ہوا تھا شرٹس پر سری لنکا 2022 اور یو اے ای 2022 لکھے جانے کی وجہ سے فیصلہ ہوا، شرٹس مختلف لوگوں کے ساتھ موجود تھیں اور ایک شرٹ پر صرف سال لکھا گیا تھا۔
پاکستان سمیت کئی ممالک میں سپر بلیو مون کا خوبصورت نظارہ
ایشین کرکٹ کونسل کے ذرائع نے کہا کہ اے سی سی کا مقصد شرٹس میں تسلسل لانا تھاتاکہ لوگو میں یکسانیت ہواورزیادہ لوگوں تک پہنچے گزشتہ سال شرٹس پرنٹ ہونے کی وجہ سے میزبان ملک کا نام نظر آیا، گزشتہ برس کے فیصلے کی روشنی میں صرف ایشیا کپ کے لوگو کا استعمال ہو رہا ہے، فیصلے کی وجہ سے سال اور میزبان ملک کا نام شرٹ کے لوگو میں شامل نہیں کیا گیا۔
