ورلڈ بینک سے پاکستان کو 40 ارب ڈالرز قرض ملنے کا امکان
اسلام آباد: عالمی بینک (ورلڈ بینک) پاکستان کو 10 سال میں 20 ارب ڈالرز قرض دینے کیلئے رضامند ہوگیا ہے، عالمی بینک کے نائب صدر مارٹن ریسر کا اسلام آباد کا دورہ بھی متوقع ہے۔
باغی ٹی وی : ذرائع کے مطابق پاکستان کو 10 سال میں 20 ارب ڈالرز قرض دینے کیلئے رواں ماہ ورلڈ بینک کے بورڈ آف ڈائریکٹرز سے قرض کی منظوری متوقع ہے قرض پروگرام کے تحت 10 سال کے اہداف طے کیے گئے ہیں، یہ قرض کنٹری پارٹنر شپ فریم ورک 35-2025 کے تحت دیا جائے گا۔
ذرائع کا کہنا ہے کہ پروگرام کا مقصد سب سے زیادہ نظر انداز اہم شعبوں کو بہتر بنانا ہے، ان شعبوں میں صحت، تعلیم اور موسمیاتی تبدیلی شامل ہے،قرض کے تحت منصوبوں کو سیاسی تبدیلیوں سے محفوظ رکھا جائے گا عالمی بینک مزید 20 ارب ڈالرز کے نجی قرضوں میں معاونت کرے گا، مزید 20 ارب ڈالرز سے مجموعی پیکیج 40 ارب ڈالرز تک پہنچ جائے گا،جبکہ قرض کی منظوری کے بعد عالمی بینک کے نائب صدر مارٹن ریسر کا اسلام آباد کا دورہ بھی متوقع ہے۔
68 سالہ شخص نے اپنی ہونے والی بہو سے شادی رچا لی
10 سالہ کنٹری پارٹنرشپ فریم ورک نے ترقی کی اہم بنیادوں پر توجہ مرکوز کرنے والے ان چھ اہداف کے نتائج کو ترتیب دیا جہاں پاکستان سب سے پیچھے ہے منصوبہ کے مطابق 10 سال میں ہدف بنائے گئے اضلاع میں بچوں کی ناقص نشوونما میں 30 فیصد کمی لائے جائے گی، تعلیم کی کمی کو 60 فیصد تک کم کیا جائے گا،ورلڈ بینک کا رعایت پر قرض دینے والا ونگ ، انٹرنیشنل ڈویلپمنٹ ایسوسی ایشن (IDA) ۔ 20 بلین ڈالر میں سے 14 بلین ڈالر قرض دے گا، بقیہ 6 بلین ڈالر نسبتاً مہنگی ونڈو ،بین الاقوامی بینک برائے تعمیر نو اور ترقی (IBRD) کے ذریعے فراہم کیے جانے کا امکان ہے ۔
