پاکستان میں کوئی شعبہ ایسا نہیں ہےجہاں عدم استحکام نہیں ،شیخ رشید

راولپنڈی: سربراہ عوامی مسلم لیگ شیخ رشید کا کہنا ہےجھوٹے کیسوں کا جمعہ بازار اور کرپشن کا انبار لگا ہے، جو منی لانڈرنگ اور نیب میں مطلوب تھے وه حکمران بنا دیئے گئے۔

باغی ٹی وی: سماجی رابطے کی ویب سائٹ ٹوئٹر پر اپنے ٹویٹ میں شیخ رشید نے کہا کہ حکومت کے50 دن اورآئی ایم ایف کے فیصلے کو 8 دن رہ گئے ہیں پاکستان میں کوئی شعبہ ایسا نہیں ہےجہاں عدم استحکام نہیں معیشت تباہ ریاست بدحال سیاست کا برا حال 2 کروڑ لوگ بے روزگار 10 کروڑ خطہ غربت کی لکیرسے نیچے اورڈیفالٹ کی تلوار سر پے لٹک رہی ہے دیکھتے ہیں شہبازشریف فرانس سے آئی ایم ایف کو منوا کے آتے ہیں یا منہ لٹکا کے آتے ہیں-

وزیرداخلہ نے کہا کہ ملک ونیٹی لیٹر پر ہےجب انڈسٹری نہیں چلے گی تو روزگار نہیں ملے گا اوربے روزگار بھوک کے مارے سمندروں میں ڈوب کے مریں گے یہ کہتے تھے ہم آئیں گے تو دودھ شہد کی نہریں بہئیں گی لیکن انہوں نے مہنگائی بیروزگاری کا طوفان کھڑا کردیا، اسحاق ڈار کہتا تھا ڈالر 200 کا کروں گا اب آئی ایم ایف کے لیے امریکا برطانیہ کے سفیروں کے پاؤں میں پڑا ہے۔

گرین ہاؤس گیسوں کےباعث ہمالیائی گلیشیئرز 80 فیصد تک پگھل جائیں گے

انہوں نے کہا کہ جو 50 سال سے یہاں سرمایہ کاری کررہے تھے وہ اپنے شیئر بیچ کے جا رہے ہیں، آئین وقانون کی تضحیک میں کون غیر ملکی سرمایہ کارپاکستان آئے گا، جو منی لانڈرنگ اور نیب میں مطلوب تھے وه حکمران بنا دیے گئے، جن کو جیلوں میں ہونا چاہیئے تھا وہ غیر ملکی دوروں پر ہیں۔

چین:ریسٹورنٹ میں دھماکا،31 افراد ہلاک متعدد زخمی

شیخ رشید نے مزید کہا کہ پولیس گھروں میں گھس کے توڑ پھوڑ کر رہی ہے، چادر اور چار دیواری کو رسوا کر رہی ہے، ملک میں اتنی گندم نہیں کاٹی جارہی جتنی جھوٹی ایف آئی آرکاٹی جارہی ہیں، جھوٹے کیسوں کا جمعہ بازار اور کرپشن کا انبار لگا ہے، جس کو چاہتے ہیں اٹھالیتے ہیں، ایک کیس میں ضمانت ہونے پر دوسری ریڈی میٹ ایف آئی آر جیل کے دروازے پر منتظر ہوتی ہے۔

ہنی سنگھ کو بھی گولڈی برار کی جانب سے جان سے مارنے کی دھمکی